მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემია არის არასამთავრობო ორგანიზაცია, რომელმაც პრიორიტეტად დაისახა საქართველოში მენტალური ჯანმრთელობის მეცნიერებებში განათლებისა და კვლევის საუკეთესო საერთაშორისო პრაქტიკის დამკვიდრება.

დევიზის ქვეშ “კვალიფიციური ფსიქოთერაპიული განათლებისთვის საქართველოში” აკადემია აერთიანებს ქართველი და უცხოელი ექსპერტების გუნდს, რომლებიც ქმნიან და უძღვებიან ევროპული აკრედიტაციის მქონე საავტორო პროგრამებს ინტეგრირებულ ფსიქოთერაპიასა და მენტალური ჯანმრთელობის მეცნიერებებში.

ორგანიზაციის მისიაა ქართული ფსიქოთერაპიული სივრცის სრული დარგობრივი ინტეგრირება ევროპულ საგანმანათლებლო სტანდარტთან.

აკადემია ერთადერთი EAPTI (ფსიქოთერაპიის აკრედიტებული ევროპული ინსტიტუტი) დაწესებულებაა საქართველოდან და ასევე წარმოადგენს საქართველოს ევროპული ფართო აკრედიტაციის ორგანიზაციაში, ინტეგრირებული ფსიქოთერაპიის ევროპულ ასოციაციაში.

აკადემიის ძირითადი მიზნებია:

• განათლების განვითარების ხელშეწყობა უპირატესად ადამიანის შემსწავლელ და ფსიქიკის შემსწავლელ მეცნიერებებში.
• მენტალური ჯანმრთელობის და ემოციური კეთილდღეობის სამეცნიერო მიმართულებების შემსწავლელი პროგრამების შემუშავება, განხორციელებას და დანერგვა;                                                                                                                                                                                               
• პრიორიტეტულად განსაზღვრულ სფეროებში მოღვაწე პირთა კვალიფიკაციის ამაღლება.                                                                                                                                                                                                       
• ფსიქოთერაპიის საგანმანათლებლო და საკვალიფიკაციო სტანდარტის შემუშავება, დანერგვა და განვითარება.                                                                                                                                                                                    
• ევროპული სტანდარტის საგანმანათლებლო არეალის ხელმისაწვდომობის უზრუნველყოფა ეროვნულ დონეზე.

EAPTI დაწესებულების არსებობა საქართველოში ქმნის შესაძლებლობას:

–პროგრამის კურსდამთავრებულებს შეუძლიათ პირდაპირი მინიჭების წესით წარადგინონ კანიდატურა და მოიპოვონ უმაღლესი ევროპული სერტიფიკატი ფსიქოთერაპიაში – ECP;

–ევროპის მასშტაბით მაღალი სტანდარტის ტრენირება დადასტურებულია დარგის ევროპული ფლაგმანის, ფსიქოთერაპიის ევროპული ასოციაციის მიერ.

–ქართველი სპეციალისტები რომლებიც მოიპოვებენ შესაბამის სერტიფიცირებას სტრულუფლებიანი წევრის სტატუსით იქნებიან ინტეგრირებული საერთაშორისო პროფესიულ საზოგადოებებში;

–EAPTI დაწესებულებების კურსდამთავრებულები სარგებლობენ მაღალი რეპუტაციით საერთაშორისო პროფესიულ საზოგადოებებში და მათი განათლება აღიარებულია ავტორიტეტული ფსიქოთერაპიული ორგანიზაციების მიერ.

–კურსდამთავრებულებს შეუძლიათ სრულუფლებიანი წევრის სტატუსის მიღება ეროვნულ ქოლგა ორგანიზაციაში – ფსიქოთერაპიის ქართულ ფედერაციაში.

–EAPTI დაწესებულების მაღალი სანდოობა დადასტურებულია ფსიქოთერაპიის მსოფლიო საბჭოს და ფსიქოთერაპიის ევროპულ ასოციაციას შორის თანამშრომლობის შედეგად მთელ მსოფლიოში.