2025 წლის 16 ოქტომბერს პრაღაში ჩატარდა ფსიქოთერაპიის ევროპული ასოციაციის EAP ეთიკის კომიტეტის ყოველწლიური შეხვედრა.
შეხვედრაში EAP-ის ეთიკის კომიტეტის თანათავმჯდომარის სტატუსით მონაწილეობდა მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის იურიდიული მრჩეველი ანანო ნიაური.
კომიტეტმა განიხილა ფსიქოთერაპიის დარგის უახლესი გამოწვევები და მათზე რეაგირების მექანიზმები მათ შორის, ფსიქოთერაპიის დარგში ხელოვნური ინტელექტის გამოყენების მიმართება ეთიკის სტანდარტებთან. ამ გამოწვევების გათვალისწინებით კომიტეტმა იმსჯელა ფსიქოთერაპევტთა ეთიკის კოდექსში შესატანი ცვლილებების და დამატებების შესახებ.
კომიტეტზე წარდგენილი იყო ევროპული ასოციაციის ახალი გაიდლაინის სამუშაო ვერსია “ეთიკის გაიდლაინი ორგანიზაციებისთვის” რომელიც შეიმუშავა სამუშაო ჯგუფმა კორტნი იანგის, ენვერ ცესკოს, ანანო ნიაურის, ჟოზე კასტილოს და მარია კარდინის შემადგენლობით.
2025 წლისა 16 ოქტომბერს პრაღაში ჩატარდა ფსიქოთერაპიის ევროპული ასოციაციის EAP სამეცნიერო-კვლევითი კომიტეტის ყოველწლიური შეხვედრა.
შეხვედრაში EAP-ის სამეცნიერო-კვლევითი კომიტეტის ინდივიდუალური წევრის სტატუსით მონაწილეობდა „ფსიქოთერაპიის ქართული ფედერაცია დენდრონის“ ბორდის წევრი „მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის “სასწავლო პროგრამების კოორდინატორი, ნინო კობახიძე.
კომიტეტმა წარადგინა დოკუმენტი „ფსიქოთერაპიის ეფექტურობა: თანამედროვე მტკიცებულებებზე დაფუძნებული მიმოხილვა “. ამასთან, კომიტეტმა იმსჯელა ფსიქოთერაპიის შესწავლის პროცესში კვლევითი კომპონენტის ჩართვის მნიშვნელოვნებაზე და ფსიქითერაპიის ევროპული აკრედიტებული სატრენინგო ინსტიტუტების გამოწვევებზე ამ პროცესში. ნინო კობახიძემ გააზიარა გამოცდილება „მენტალური ჯანმრთელობისა და ინტეგრირებული ფსიქოთერაპიის საერთაშირისო აკადემიის“ სასწავლო პროცესში კვლევითი კომპონენტის დანერგვისა და ორგანიზების შესახებ.
2023 წლის 9-11 მარტს ვენაში გაიმართა ფსიქოთერაპიის ევროპული ასოციაციის ბორდის შეხვედრა. შეხვედრას ესწრებოდნენ საქრთველოში ერთადერთი ფსიქოთერაპიის აკრედიტებული სატრენინგო ინსტიტუტის „მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის“ წარმომადგენლები.
2023 წლის ბორდის შეხვედრაზე განხილული იყო თანამედროვე ფსიქოთერაპიის მნიშვნელოვანი გამოწვევები, ამ გამოწვევათა ჭრილში სწავლების სტანდარტები, გაედლაინები და მათში შესატანი ცვლილებები, ასოციაციის ადმინისტრაციული და საორგანიზაციო საკითხები, დარგის კლინიკური და ეთიკური საქმიანობის საკითხები. სამეცნიერო და კვლევითი კომიტეტის შეხვედრაზე აკადემიის ადმინისტრაციულმა ხელმძღვანელმა, ნინო კობახიძემ წარადგინა მოხსენება 2023 წლის ოქტომბერში თბილისში დაგეგმილი ინტეგრირებული ფსიქოთერაპიის მე-11 ევროპული კონგრესის შესახებ.
„მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემია“ 2020 წლიდან წარმოადგენს საქრთველოში ერთადერთ ფსიქოთერაპიის აკრედიტებულ სატრენინგო ინსტიტუტს.
2023 წლის ყოველწლიური შეხვედრა დასრულდა ქართული ფსიქოთერაპიისთვის მნიშვნელოვანი შემდეგი მიღწევებით: საქართველოს წარმომადგენლებს გადაეცათ „მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის“ ევროპული აკრედიტაციის (EAPTI) დამადასტურებელი სერტიფიკატი, რომლის გადაცემაც ფერხდებოდა პანდემიის გამო. ფსიქოთერაპიის ქართული ფედერაციის ბორდის წევრი, ანანო ნიაური 2023 წლიდან გააგრძელებს ასოციაციის ეთიკის კომიტეტში საქმიანობას თანათავმჯდომარის სტატუსით. აკადემიის ადამინისტრაციული ხელმძღვანელის, ქართველი ფსიქოთერაპევტის, ნინო კობახიძის მიმართ პირდაპირი მინიჭების წესით პირველად გაიცა ფსიქოთერაპიის ევროპული სერტიფიკატი ECP.
„მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემია“ მადლობას უხდის ევროპელ კოლეგებს ქართული ფსიქოთერაპიის მხარდაჭერისთვის და განაგრძობს საქმიანობას ფსიქოთერაპიის ევროპულ სტანდარტთან დარგობრივი დაახლოებისთვის.
2023 წლის 8 ოქტომბერს საზეიმოდ დაიხურა ინტეგრირებული ფსიქოთერაპიის მე-11 ევროპული კონგრესი.
კონგრესის 2023 წლის თემა იყო “ადამიანის უფლებები, კავშირი და განსხვავებულობა ფსიქოთერაპიის დარგში”.
კონგრესი შედგა ევროპული ფართო აკრედიტაციის ორგანიზაციის, ინტეგრირებული ფსიქოთერაპიის ევროპული ასოციაციისა და ფსიქოთერაპიის ევროპული აკრედიტებული სატრენინგო ინსტიტუტის – EAPTI მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის თანამშრომლობის შედეგად.
კონგრესის ფარგლებში საქართველოში იმყოფებოდნენ ფსიქოთერაპევტები და ფსიქოთერაპიული ორგანიზაციების წარმომადგენლები ევროპის 15 სხვადასხვა სახელმწიფოდან.
კონგრესზე წარმოდგენილი იყო შემდეგი პანელები:
1. სოციალური პასუხისმგებლობა
2. ფსიქოტრავმა
3. სუპერვიზია
კონგრესს ისტორიული მნიშვნელობა აქვს რეგიონში ფსიქოთერაპიის განვითრარებისთვის, რადგან საქართველოს სახით ის პირველად ჩატარდა კავკასიის რეგიონში. ევროპული სამეცნიერო კონგრესი გარდამტეხი ნაბიჯია ევროპულ სტანდარტთან ფსიქოთერაპიის დარგობრივი ინტეგრაციისა და საქართველოს დროშის მსოფლიო სამეცნიერო წრეებში ღირსეული გამოჩენისათვის.
მოხარული ვართ რომ შევქმენით ურთიერთკავშრიის, დიალოგია და თანამშრომლობის სივრცე ქართველი და ევროპელი სპეციალისტებისათვის, რომელიც გრძელვადიან კეთილისმყოფელ გავლენას მოახდენს ფსიქოთერაპიის მაღალი საგანმანათლებლო, კლინიკური და ეთიკური სტანდარტის დანერგვაზე.
მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემია მადლობას უხდის კონგრესის მხარდამჭერებს ნაყოფიერი თანამშრომლობისთვის.
ფსიქოთერაპიის ქართულ ფედერაცია დენდრონსა და საქართველოს კარიტასს – Caritas Georgia / საქართველოს კარიტასის ოფიციალური გვერდი შორის ურთიერთთანამშრომლობის მემორანდუმი გაფორმდა.
ორგანიზაციები მიზნად ისახავენ ემოციური კეთილდღეობის, როგორც უალტერნატივო საზოგადოებრივი ინტერესის მხარდაჭერას და ქმნიან ურთიერთთანამშრომლობის გარემოს საზოგადოების საკეთილდღეოდ.
მემორანდუმის დადების შემდეგ ფსიქოთერაპიის ქართული ფედერაციის წარმომადგენლებმა მოინახულეს სოციალური კაფე, რომელიც ხელს უწყობს შეზღუდული შესაძლებლობის მქონე პირთა ეკონომიკურ გაძლიერებას და სტაბილურობას და დასვენებისა და განტვირთვის შესანიშნავ გარემოს ქმნის ვიზიტორებისათვის.
2025 წლის 10 ოქტომბერს, ირლანდიის ქალაქ ლიმერიკში გაიმართა ინტეგრირებული ფსიქოთერაპიის ევროპული ასოციაციის (EAIP) ყიველწლიური საერთო კრება.
საერთო კრება გახსნა EAIP-ის პრეზიდენტმა ოანა მარია პოპესკუმ, რომელმაც წარადგინა ასოციაციის გასული წლის საქმიანობის ვრცელი ანგარიში.
წევრებმა მოისმინეს მოხსენებები ასოციაციის კომიტეტების თავმჯდომარეებისგან და ოფიცრებისგან, მათ შორის, ევროპული ასოციაციის ეთიკის ოფიცრის – ანანო ნიაურის და მარკეტინგის ოფიცრის – ნინო კობახიძისგან რომლებიც ამავდროულად ასოციაციაში იკავებენ აღმასრულებელი კომიტეტის წევრის თანამდებობებს.
დამტკიცდა ინტეგრირებული ფსიქოთერაპევტის საკომპეტენციო ჩარჩო, აგრეთვე კენჭი ეყარა სხვა მნიშვნელოვან ორგანიზაციულ საკითხებს.
მომდევნო დღეებში ინტეგრირებული ფსიქოთერაპიის ევროპული ასოციაციის ყურადღების ცენტრში იქნება ინტეგრირებული ფსიქოთერაპიის მე-12 ევროპული კონგრესი ARPI -სა და EAIP -ის ერთობლივი ორგანიზებით, რომელიც აერთანებს პროფესიონალებს, მკვლევრებს და პრაქტიკოსებს ევროპის სხვადასხვა ქვეყნიდან — ინტეგრირებული ფსიქოთერაპიის სფეროში ახალი ხედვებისა და კვლევითი შედეგების გასაზიარებლად.
მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემია არის ინტეგრირებული ფსიქოთერაპიის ევროპული ასოციაციის სრული, აკრედიტებული წევრი და ხმის უფლებით მონაწილეობს უმაღლესი მმართველობითი ორგანოს AGM -ის საქმიანობაში.
ჩვენი აკადემია მადლობას უხდის ინტეგრირებული ფსიქოთერაპიის ევროპულ ასოციაციას და წევრ ორგანიზაციებს თანამშრომლობისა და ინტეგრირებული ფსიქოთერაპიის დარგის განვითარებაში შეტანილი წვლილისთვის.
სიხარულით გიზიარებთ ქართული ფსიქოთერაპიის კიდევ ერთ მნიშვნელოვან საერთაშორისო აღიარებას!
ფსიქოთერაპიის ევროპული ფლაგმანის ფსიქოთერაპიის ევროპული ასოციაციის EAP ჟურნალის 28-ე გამოცემა მიეძღვნა ჩვენი აკადემიისა და ინტეგრირებული ფსიქოთერაპიის ევროპული ასოციაციის EAIP ერთობლივ კონგრესს, რომელიც ჩატარდა თბილისში, 2023 წლის 6-8 ოქტომბერს.
ნომერში კონგრესის სხვა მასალებთან ერთად გამოქვეყნებულია აკადემიის დამფუძნებლის, მაია ბეგაშვილის ინტერვიუ საქართველოში ფსიქოთერაპიის განვითარების და ინტეგრირებული ფსიქოთერაპიის დანერგვის შესახებ. ჟურნალში ასევე გამოქვეყნებულია ნინო კობახიძის სტატია ჩვენი აკადემიის საავტორო მოდელის შესახებ ინტეგრირებულ ფსიქოთერაპიაში, რომელიც აკრედიტებულია ფსიქოთერაპიის ევროპული ასოციაციისა და ინტეგრირებული ფსიქოთერაპიის ევროპული ასოციაციის მიერ და რომლითაც სწავლება მიმდინარეობს აკადემიაში.
ეს არის ფსიქოთერაპიის ევროპული ასოციაციის სამეცნიერო გამოცემაში ქართული ფსიქოთერაპევტების ნაშრომების გამოქვეყნების პირვველი შემთხვევა. განსაკუთრებულ აღნიშვნას იმსახურებს ის ფაქტი, რომ ჟურნალის სპეციალური ნომერი სრულად ეძღვნება ინტეგრირებულ ფსიქოთერაპიას და საქართველოში ჩატარებულ კონგრესს რაც მნიშვნელოვანია ქვეყნის ხილვადობის ზრდისთვის საერთაშორისო სამეცნიერო საზოგადოებებში.
მადლობას ვუხდით ფსიქოთერაპიის ევროპულ ასოციაციას EAP და ინტეგრირებული ფსიქოთერაპიის ევროპულ ასოციიაციას EAIP ქართული ფსიქოთერაპიის მხარდაჭერისათვის.
ყოველწლიური საავტორო პროექტის “ინტეგრირების დღეების” ფარგლებში მიმდინარე წლის 21 ივნისს გაიმართა ვებინარი თემაზე “ინტეგრირებული ფსიქოთერაპიის უპიტრატესობები”.
„ინტეგრირების დღეები “მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის “ყოველწლიური საავტორო პროექტია.
ღონისძიება მიზნად ისახავდა საქართველოში ინტეგრირებული ფსიქოთერაპიის დარგის განვითარებას, ინტეგრირებული ფსიქოთერაპიის შესაძლებლობებისა და უპირატესობების გაცნობას, მენტალური ჯანმრთელობის შესახებ ცნობიერების ამაღლებას.
2025 წლის ინტეგრირებს დღეების თემატიკა იყო „ინტეგრირებული ფსიქოთერაპია პასუხი თანამედროვე პიროვნების გამოწვევებზე“.
ვებინარი გაიმართა 19:00 – 20:00 სთ.-ზე და მას გაუძღვა აკადემიის კურსდამთავრებული, ასოცირებული ინტეგრირებული ფსიქოთერაპევტი ელენე ბურდულაძე.
დასწრება შეეძლო ნებისმიერ დაინტერესებულ პირს. მონაწილეობა იყო თავისუფალი.
ყოველწლიური საავტორო პროექტის “ინტეგრირების დღეების” ფარგლებში მიმდინარე წლის 25 ივნისს გაიმართა ვებინარი თემაზე “ქეისის განხილვა ფსიქოთერაპიაში”.
„ინტეგრირების დღეები “მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის “ყოველწლიური საავტორო პროექტი იყო.
ღონისძიება მიზნად ისახავდა საქართველოში ინტეგრირებული ფსიქოთერაპიის დარგის განვითარებას, ინტეგრირებული ფსიქოთერაპიის შესაძლებლობებისა და უპირატესობების გაცნობას, მენტალური ჯანმრთელობის შესახებ ცნობიერების ამაღლებას.
2025 წლის ინტეგრირებს დღეების თემატიკა იყო „ინტეგრირებული ფსიქოთერაპია პასუხი თანამედროვე პიროვნების გამოწვევებზე“.
ვებინარი გაიმართა 19:00 – 20:00 სთ.-ზე და მას გაუძღვა აკადემიის კურსდამთავრებული, ინტეგრირებული ფსიქოთერაპიის ტუტორი ირმა ჩახვაძე.
დასწრება შეეძლო ნებისმიერ დაინტერესებულ პირს. მონაწილეობა იყო თავისუფალი.
ყოველწლიური საავტორო პროექტის „ინტეგრირების დღეების“ ფარგლებში მიმდინარე წლის 6 ივლისს გაიმართა ვებინარი თემაზე „ეთიკური ფსიქოთერაპია“.
„ინტეგრირების დღეები“ „მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის“ ყოველწლიური საავტორო პროექტი იყო.
ღონისძიება მიზნად ისახავდა საქართველოში ინტეგრირებული ფსიქოთერაპიის დარგის განვითარებას, ინტეგრირებული ფსიქოთერაპიის შესაძლებლობებისა და უპირატესობების გაცნობას, მენტალური ჯანმრთელობის შესახებ ცნობიერების ამაღლებას.
2025 წლის „ინტეგრირებს დღეების“ თემატიკა იყო „ინტეგრირებული ფსიქოთერაპია პასუხი თანამედროვე პიროვნების გამოწვევებზე“.
ვებინარი გაიმართა 19:00 – 20:00 სთ.-ზე და მას გაუძღვა აკადემიის მსმენელი, ინტეგრირებული ფსიქოთერაპიის სპეციალისტი თინათინ ნატროშვილი.
ქართული 
English 
ჩემი ანგარიში