კურსის მონაწილეებს საშუალება ექნებათ აითვისონ მოდელი, რომლის წანამძღვარს წარმოადგენს ურთიერთობის თანდაყოლილი ადამიანური მოთხოვნილება/საჭიროება, ისევე როგორც, გარკვეულ შემთხვევებში წინააღმდეგობრივი ინდივიდუაციის მოთხოვნილება, როგორც მთელი ცხოვრების თანმდევი გამოწვევა.

დავიწყებთ რა პიროვნების ინტეგრირებული შედარებითი თეორიიდან, გამოვიკვლევთ:

– როგორ ვახდენთ კლიენტის ქმედების ფენომენოლოგიის მნიშვნელობის წვდომას?

– როგორ შეიძლება გავიგოთ არსებითი ცხოვრებისეული გამოწვევები, რომლებიც საფუძვლად უდევს პიროვნული აშლილობების პათოლოგიას?

– როგორია უფრო ფუნქციონალური გამკლავებისა და ადაპტაციის მექანიზმები სხვა და სხვა ხასიათის სტილისთვის?

– როგორ მივუდგეთ ამ საკითხებს თანაგრძნობითა და ემპათიით ფსიქოთერაპიის პროცესში?

კლიენტთან ურთიერთობის პროცესში, პირველი სატელეფონო კონტაქტიდან ბოლო სესიამდე, ჩვენ ვქმნით ერთობლივ ნარატივს.

– რა ინფორმაციას გვაწვდის ეს ისტორიები ჩვენი კლიენტის სპეციფიკური განვითარების ტრაგედიის შესახებ?

– როგორ ვაგებთ თანმიმდევრულ შედარებით თეორიულ საფუძველს, რომელიც გვეხმარება დიაგნოსტირებაში, ფსიქოთერაპიის დაგეგმვასა და თანმდევ კლინიკურ ინტერვენციაში?

– გამოყენებული იქნება რამდენიმე ინტეგრაციული მოდელი, როგორც შეფასებისა და დიაგნოსტირებისადმი შედარებითი მიდგომის მაგალითი. მონაწილეები იფიქრებენ საკუთარ კლიენტებთან პრაქტიკაზე მცირე ჯგუფებში.

– შესაძლებელი იქნება ქეისების წარმოდგენა და სუპერვიზია. 

სასწავლო კურსის მიზნები და პროგრამა

 

– ინტეგრირებული პიროვნების თეორიების ნათელი გაგება;

– პიროვნებისადმი ინტეგრირებული შედარებითი მიდგომის ჩარჩოს გაგება;

– ინტეგრირებულ ჩარჩოში შემავალი თემების გაგება:

a. მიჯაჭვულობის თეორია;

b. ობიექტი ურთიერთობის თეორია;

c. სელფ – ფსიქოლოგია და ინტერსუბიექტურობის თეორია;

d. გეშტალტ თერაპია;

e. ხასიათის ანალიზი;

f. თანამედროვე განვითარებისა და ნეირობიოლოგიური თეორიები, მათ შორის ინტერპერსონალური ნეირობიოლოგია.

კლინიკური ცოდნა და უნარები

 

– პიროვნებისადმი ფენომენოლოგიური ინტეგრირებული შედარებითი მიდგომის გაგება;

– ამ მიდგომის კლიენტებთან კლინიკურ მუშაობაში გამოყენების უნარი:

– შეფასება ფენომენოლოგიური ინტერდისციპლინური მიდგომის გამოყენებით;

– დიაგნოსტირება, პიროვნების სტილებისა და აშლილობების დიფერენცირება სამი კლასტერის (A, B, C) მიხედვით;

– ფსიქოთერაპიული მკურნალობის გეგმის შედგენა შეფასებისა და დიაგნოსტირების საფუძველზე და მოცემული პარამეტრების ღრმა გაგება:

– რა ძირითადმა ცხოვრებისეულმა ფაქტორებმა განაპირობა ხასიათის და/ან პიროვნული აშლილობის ფორმირება და შენარჩუნება?

– როგორია უფრო ფუნქციონალური გამკლავებისა და ადაპტაციის მექანიზმები თითოეული პიროვნების ტიპისთვის?

– როგორ ვიყოთ და გამომავლინოთ თანაგრძნობა და ემპათია ფსიქოთერაპიის პროცესში?

– მონაწილეები გაეცნობიან სხვა და სხვა კლიენტებთან პრაქტიკული მუშაობის გაიდლაინებს და გაივლიან კონკრეტული კლინიკური უნარების პრაქტიკას სემინარის პროცესში;

– შესაძლებლობა ექნებათ წარმოადგინონ საკუთარი ქეისები განხილვისთვის, გაიარონ სუპერვიზია.

კურსის გავლის შემდეგ სტუდენტებს შეეძლებათ

 

1. პიროვნების თანმიმდევრული ხედვის ფორმულირება;

2. პიროვნების შეფასებისა და დიაგნოსტირების საკუთარ მიდგომაში არჩეული განვითარების თეორიების ინტეგრირების არგუმენტირებულად განმარტება;

3. ექნებათ ფენომენოლოგიური ინტეგრირებული შედარებითი მიდგომის გაგება შეფასების, დიაგნოზირებისა და ფსიქოთერაპიის დაგეგმვაში და ნათელი ხედვა, რა ინფორმაციას იძლევა ეს მათი კლინიკური პრაქტიკისთვის;

4. შეეძლებათ კლიენტებზე რეფლექსია ინტეგრირებული ჩარჩოს ჭრილში და გამოიყენებენ მას საკუთარ კლინიკურ მუშაობაში.

კურსის სტრუქტურა

 

I მოდული:

– ინტეგრირებული მოდელის წარდგენა და ჩარჩო;

– პიროვნული აშლილობების A (პარანოიდული, შიზოიდური და შიზოტიპური) და C (ამრიდებლური, დამოკიდებული და ობსესიურ – კომპულსური) კლასტერების წარდგენა.

I I მოდული:

– ინტეგრირებული ჩარჩოს შემდგომი სიღმისეული კვლევა და გამოყენება;

– პიროვნული აშლილობების B კლასტერის (მოსაზღვრე და ნარცისისტული) წარდგენა.

სასწავლო – სასერთიფიკაციო კურსის ფორმატი:

სწავლება, პირადი რეფლექსია, გაზიარება მცირე ჯგუფებში, ქეის სთადი, სუპერვიზია.