Category Archives: სიახლეები

საჯარო ლექცია ჩატარდება კვირას, ️21 დეკემბერს 18.00 საათზე ვაკის მედიათეკაში. <br><br>

ლექციას გაუძღვება ანანო ნიაური <br><br>
ფსიქოთერაპიის ევროპული ასოციაციის EAP ეთიკის კომიტეტის თანათავმჯდომარე <br>
ინტეგრირებული ფსიქოთერაპიის ევროპული ასოციაციის EAIP ეთიკის ოფიცერი
ჩვენი აკადემიის ინტეგრირებული ფსიქოთერაპიის ევროპული პროგრამის მონაწილე. <br><br>

ღონისძიება ტარდება ფსიქოთერაპიის ქართული ფედერაციისა და თბილისის მულტიფუნქციური ბიბლიოთეკების გაერთიანების ერთობლივი პროექტის ფარგლებში " საზოგადოება და მენტალური ჯანმრთელობა". <br><br>

რეგისტრაციისთვის შეავსეთ ბმული: <br>
https://shorturl.at/DSzwM
<br><br>
დასწრება უფასოა

2025 წლის 22 ნოემბერს ვაკის მედიათეკაში ჩატარდა საჯარო ლექცია “მშობლისა და შვილის ურთიერთობა და მისი მნიშვნელობა მენტალური ჯანმრთელობის უზრუნველსაყოფად”. ლექციას უძღვებოდა ინტეგრირებული ფსიქოთერაპიის პრაქტიკოსი ფსიქოლოგი მარიამ ხმალაძე. საჯარო ლექცია ჩატარდა თბილისის მულტიფუნქციური ბიბლიოთეკებისა და ფსიქოთერაპიის ქართული ფედერაცია დენდრონის ერთობლივი პროექტის ფარგლებში “საზოგადოება და მენტალური ჯანმრთელობა”. მონაწილეებს საშუალება ჰქონდათ მოესმინათ მნიშვნელოვანი თავისებურებები რაც ხელს უწყობს ჯანსაღი ოჯახური ურთიერთობების ფორმირებას და ემოციურ კეთილდღეობას მშობლისა და შვილის ურთიერთობაში ასევე დაესვათ კითხვები მათთვის საინტერესო საკითხებზე.

გამოქვეყნდა ფსიქოთერაპიის ევროპული ასოციაციის EAP სამეცნიერო ჟურნალის (IJP International Journal of Psychotherapy) 2025 წლის მე-2 ნომერი.

ჟურნალში შეგიძლიათ იხილოთ მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის ხელმძღვანელის, მარინე ბეგაშვილის სტატია “The Impact of Trauma on Drug Addiction: A Comprehensive Analysis”.

ჟურნალის ონლაინ ვერსიას შეგიძლიათ გაეცნოთ ბმულზე: https://ijp.org.uk/docs/IJP_Vol_29_No_2_Online.pdf

2025 წლის 16 ოქტომბერს პრაღაში ჩატარდა ფსიქოთერაპიის ევროპული ასოციაციის EAP ეთიკის კომიტეტის ყოველწლიური შეხვედრა.
შეხვედრაში EAP-ის ეთიკის კომიტეტის თანათავმჯდომარის სტატუსით მონაწილეობდა მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის იურიდიული მრჩეველი ანანო ნიაური.

კომიტეტმა განიხილა ფსიქოთერაპიის დარგის უახლესი გამოწვევები და მათზე რეაგირების მექანიზმები მათ შორის, ფსიქოთერაპიის დარგში ხელოვნური ინტელექტის გამოყენების მიმართება ეთიკის სტანდარტებთან. ამ გამოწვევების გათვალისწინებით კომიტეტმა იმსჯელა ფსიქოთერაპევტთა ეთიკის კოდექსში შესატანი ცვლილებების და დამატებების შესახებ.

კომიტეტზე წარდგენილი იყო ევროპული ასოციაციის ახალი გაიდლაინის სამუშაო ვერსია “ეთიკის გაიდლაინი ორგანიზაციებისთვის” რომელიც შეიმუშავა სამუშაო ჯგუფმა კორტნი იანგის, ენვერ ცესკოს, ანანო ნიაურის, ჟოზე კასტილოს და მარია კარდინის შემადგენლობით.

2025 წლისა 16 ოქტომბერს პრაღაში ჩატარდა ფსიქოთერაპიის ევროპული ასოციაციის EAP სამეცნიერო-კვლევითი კომიტეტის ყოველწლიური შეხვედრა.
შეხვედრაში EAP-ის სამეცნიერო-კვლევითი კომიტეტის ინდივიდუალური წევრის სტატუსით მონაწილეობდა „ფსიქოთერაპიის ქართული ფედერაცია დენდრონის“ ბორდის წევრი „მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიის “სასწავლო პროგრამების კოორდინატორი, ნინო კობახიძე.

კომიტეტმა წარადგინა დოკუმენტი „ფსიქოთერაპიის ეფექტურობა: თანამედროვე მტკიცებულებებზე დაფუძნებული მიმოხილვა “.
ამასთან, კომიტეტმა იმსჯელა ფსიქოთერაპიის შესწავლის პროცესში კვლევითი კომპონენტის ჩართვის მნიშვნელოვნებაზე და ფსიქითერაპიის ევროპული აკრედიტებული სატრენინგო ინსტიტუტების გამოწვევებზე ამ პროცესში.
ნინო კობახიძემ გააზიარა გამოცდილება „მენტალური ჯანმრთელობისა და ინტეგრირებული ფსიქოთერაპიის საერთაშირისო აკადემიის“ სასწავლო პროცესში კვლევითი კომპონენტის დანერგვისა და ორგანიზების შესახებ.

2025 წლის 10 ოქტომბერს, ირლანდიის ქალაქ ლიმერიკში გაიმართა ინტეგრირებული ფსიქოთერაპიის ევროპული ასოციაციის (EAIP) ყიველწლიური საერთო კრება. საერთო კრება გახსნა EAIP-ის პრეზიდენტმა ოანა მარია პოპესკუმ, რომელმაც წარადგინა ასოციაციის გასული წლის საქმიანობის ვრცელი ანგარიში. წევრებმა მოისმინეს მოხსენებები ასოციაციის კომიტეტების თავმჯდომარეებისგან და ოფიცრებისგან, მათ შორის, ევროპული ასოციაციის ეთიკის ოფიცრის – ანანო ნიაურის და მარკეტინგის ოფიცრის – ნინო კობახიძისგან რომლებიც ამავდროულად ასოციაციაში იკავებენ აღმასრულებელი კომიტეტის წევრის თანამდებობებს. დამტკიცდა ინტეგრირებული ფსიქოთერაპევტის საკომპეტენციო ჩარჩო, აგრეთვე კენჭი ეყარა სხვა მნიშვნელოვან ორგანიზაციულ საკითხებს. მომდევნო დღეებში ინტეგრირებული ფსიქოთერაპიის ევროპული ასოციაციის ყურადღების ცენტრში იქნება ინტეგრირებული ფსიქოთერაპიის მე-12 ევროპული კონგრესი ARPI -სა და EAIP -ის ერთობლივი ორგანიზებით, რომელიც აერთანებს პროფესიონალებს, მკვლევრებს და პრაქტიკოსებს ევროპის სხვადასხვა ქვეყნიდან — ინტეგრირებული ფსიქოთერაპიის სფეროში ახალი ხედვებისა და კვლევითი შედეგების გასაზიარებლად. მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემია არის ინტეგრირებული ფსიქოთერაპიის ევროპული ასოციაციის სრული, აკრედიტებული წევრი და ხმის უფლებით მონაწილეობს უმაღლესი მმართველობითი ორგანოს AGM -ის საქმიანობაში. ჩვენი აკადემია მადლობას უხდის ინტეგრირებული ფსიქოთერაპიის ევროპულ ასოციაციას და წევრ ორგანიზაციებს თანამშრომლობისა და ინტეგრირებული ფსიქოთერაპიის დარგის განვითარებაში შეტანილი წვლილისთვის.

2025 წლის 21 სექტემბერს, ჩატარდა ტრენინგი – ხასიათის ფორმირების ინტეგრირებული თეორია.

ტრენინგი განკუთვნილი იყო ინტეგრირებული ფსიქოთერაპიის ევროპული აკრედიტებული პროგრამის სტუდენტებისთვის.

სტუდენტებმა მოისმინეს ვორქშოფი მოსაზღვრე პიროვნულ აშლილობასთან კლინიკური მუშაობის შესახებ. ვორქშოფი ჩატარდა ხასიათის ფორმირების ინტეგრირებული მოდელის მოდულის ფარგლებში.

ტრენინგს უძღვებოდა ლისბეთ პლისარტი.

ლისბეთ პლისარტი აკადემიის მოწვეული ტრენერი. ლონდონის მეტანოიას ინსტიტუტის მთავარი სუპერვიზორი. +25 წლიანი პრაქტიკა ინტეგრირებული ფსიქოთერაპიის მიმართულებით. ECP, ECIP ფსიქოთერაპიის ევროპული სერტიფიაკატების მფლობელი. სპეციალიზირებულია დენ სიგელთან ინტერპერსონალურ ნეირობიოლოგიაში. არის GAINS-ის (Global Association for Interpersonal Neurobiology) აქტიური წევრი; სერტიფიცირებული ემოციაზე ფოკუსირებული წყვილთა თერაპევტი (ICEEFT); სერტიფიცირებული გეშტალტ პრაქტიკოსი ორგანიზაციული მიმართულებით (EAGT).

აკადემია მადლობას უხდის ლისბეთ პლისარტს მრავალწლიანი თანამშრომლობისთვის!

“ცხოვრებისეული სცენარები და მათი ტრანსფორმაცია”

2025 წლის 20-25 ივლისს მენტალური ჯანმრთელობისა და ინტეგრირებული ფსიქოთერაპიის საერთაშორისო აკადემიამ უმასპინძლა რიგით მეორე გასვლითი საზაფხულო სკოლას “ცხოვრებისეული სცენარები და მათი ტრანსფორმაცია”.

საზაფხულო სკოლის 2025 წლის ლოკაცია იყო სამეგრელო, მარტვილი.

სალექციო პროგრამას უძღვებოდა მაია ბეგაშვილი, აკადემიის ხელმძღვანელი, ფსიქოთერაპიის ევროპული ასოციაციის EAP ეროვნული დელეგატი საქართველოში, ECP, ECIP სერტიფიცირებული ფსიქოთერაპევტი, EAIP წევრთა კოლიტეტის ექსპერტი.

სკოლის მონაწილეები გაეცნენ ცხოვრებისეული სცენარების რაობას, ფუნქციურ და დისფუნქციურ სცენარებს მათი იდენტიფიცირების და ტრანსფორმაციის ტექნიკებს.

სალექციო პროგრამასთან ერთად სკოლის მონაწილეებმა დაათვალიერეს მარტვილის კანიონი, მდინარე აბაშა, კაღუს ჩანჩქერი, მარტვილის მონასტერი, დადიანების სასახლე, ნოქალაქევი.

აკადემია მადლობას უხდის მაია ბეგაშვილს საავტორო სალექციო პროგრამისთვის და თითეულ მონაწილეს აქტიური ჩართულობისა და იმ უნიკალური გამოცდილებისთვის რომელიც თითოეულმა მათგანმა შესძინა პროექტს.

2025 წლის 12-15 მარტს ავსტრიაში, ვენაში ჩატარდა ფსიქოთერაპიის ევროპული ასოციაციის EAP ბორდის და კომიტეტის შეხვედრები.

შეხვედრებში ტრადიციულად ქართული ფსიქოთერაპიული საზოგადოება წარმოადგინეს ფსიქოთერაპიის ეროვნული ქოლგის – ფსიქოთერაპიის ქართული ფედერაციის დელეგატებმა და ჩვენი აკადემიის წარმომადგენლებმა.

ბორდის შეხვედრაზე განიხილება ფსიქოთერაპიის დარგში მიმდინარე მნიშვნელოვანი საკითხები და მიიღება ფსიქოთერაპიის ევროპული ასოციაციის (EAP) მმართველობითი გადაწყვეტილებები.

ბორდის წევრებმა მოისმინეს ასოციაციის კომიტეტების მოხსენებები. იმსჯელეს დისტანციური სწავლების მართებულობაზე და ამ კუთხით რეკომენდაციის საჭიროების აუცილებლობის, სტანდარტირებული სასწავლო პრაქტიკის ორგანიზების თავისებურებების და სასწავლო პროგრამისა და გაიდლაინების შესახებ.

ეთიკის კომიტეტის სამუშაო ჯგუფმა ენვერ ჩესკოს, ანანო ნიაურის, კორტნი იანგის, ჟოზე კასტილოს და მარია კარდინის შემადგენლობით მუშაობა დაასრულა ახალ დოკუმენტზე: ეთიკის გაიდლაინები ორგანიზაციებისთვის.

EAP 2025 წლის ბორდის შეხვედრებში წარმომდგენლები იყვნენ:

მარინე ბაგაშვილი – სასწავლო პროგრამების აკადემიური ხელმძღვანელი, ფსიქოთერაპიის ევროპული ასოციაციის ეროვნული დელეგატი საქართველოში.

ანანო ნიაური – აკადემიის იურიდიული მრჩეველი, ფსიქოთერაპიის ევროპული ასოციაციის ეთიკის კომიტეტის თანათავმჯდომარე.

მარიამ გოჩაძე – აკადემიის ტრენერი,ფსიქოთერაპიის ევროპული ასოციაციის სამეცნიერო კომიტეტის წევრი.

ფსიქოთერაპიის ქართული ფედერაცია ულოცავს კატალინ ზაჰარიას ფსიქოთერაპიის ევროპული ასოციაციის პრეზიდენტად არჩევას. კატალინ ზაჰარიას მნიშვნელოვანი წვლილი მიუძღვის საქართველოში ნეირო-ლინგვისტური ფსიქოთერაპიის სასწავლო პროგრამის შემოტანაში და მრავალწლინი მეგობრობა და საქმიანი ურთიერთობა აკავშირებს ფსიქოთერაპიის ქართულ ფედერაციასთან და მის წევრებთან.